AFAko zuzendariordetza teknikoa dagokion kudeaketako zuzendaritzaren mende dago zuzenean, berehala eta hierarkikoki, eta haren aurrean du bere lanaren erantzukizuna. Bere eskumeneko gaietan, honako eginkizun hauek betetzen ditu:  

1. AFAk egindako ekintza guztiek babesgabetasun egoeran dauden haur eta nerabeei arreta emateko printzipioei erantzuten dietela gainbegiratzea. 
2. Arloko atalen lana koordinatzea.
3. Bere ardurapeko atalak hobetzeko eta perfekzionatzeko berrikuntzak proposatzea, eta, horretarako, antolamendua eta lan metodoak proposatzea. 
4. AFAri atxikitako lanpostuak zuzendu, betearazi eta kontrolatzea; kontrol hori emaitzen mailakoa eta berehalakoa izango da. 
5. Laguntza tekniko-juridikoa eta administratiboa ematea AFArekin zerikusia duten gaietan erabakiak hartzeko ardura duen kide anitzeko organoari. 
6. Kudeaketako zuzendaritzari egoki ikusten dituen ebazpenak proposatzea, eskumenekoak dituen eta AFAk izapidetu behar dituen gaiei dagokienez. 
7. AFAren aurrekontu programen betearazpena zuzentzea. 
8. Kudeaketako zuzendaritzak eta indarrean dauden lege xedapenek esleitzen dizkion eginkizun guztiak. 
9. Haur eta nerabeei arreta beren ingurunean bertan ematea sustatzea, eta, horretarako, 20.000 biztanletik beherako udalerrietako udaleko gizarte zerbitzuei laguntza eta aholkularitza ematea. 
10. Babesgabetasun egoerak saihesteko programa eta ekintzen proposamenak aztertu eta formulatzea, jarduketa guztien ardatza familia dela.