Eskatutako titulazioaz eta esperientziaz gain, egoitza harrerako langileek prestakuntza teorikoa eta praktikoa izan beharko dute beren lanbide jardunerako garrantzi berezia duten hainbat gairen inguruan.

Besteak beste, hauek izan daitezke gaiok:

• Egoitza harreraren arau esparrua, haur eta nerabeen, familien eta langileen eskubideak eta betebeharrak.
• Haur eta nerabe bakoitzaren premia indibidualak ebaluatzeko teknikak, GHBP bat diseinatzeko.
• Hezkuntzaren arloko banakako proiektua diseinatu eta ebaluatzea.
• Atxikimenduaren teoria eta lotura lantzeko eta hezkuntza lana burutzea ahalbidetuko duen harreman oinarri bat eratzeko teknikak.
• Trauman eta haurtzaroko esperientzia kaltegarriei heltzean oinarritutako hezkuntza ikuspegiak.
• Egoitza harreraren testuinguruko krisietan esku hartzeko teknikak.
• Prebentzioa, detekzio goiztiarra eta esku-hartzea sexu indarkeriako egoeretan.
• Internet eta sare sozialak modu seguruan erabiltzea.

Erakundeek aldian behin jaso beharko dituzte egoitza harrerako langileek prestakuntza edukiei dagokienez egiten dituzten iradokizunak.