Pertsona partikularrek, profesionalek edo zerbitzuek UGZetara jotzen dute normalean babesgabetasun egoera posibleei buruzko komunikazioak egiteko; horretarako aukera nagusia dira. AFAk partikular, profesional edo zerbitzuen komunikazioak eta jakinarazpenak jasoko ditu, gai hauei buruz:

•     Dirudienez premiazko babes neurri bat behar duten egoerak.  
•     UGZez bestelako iturrietatik zuzenean AFAri egindako komunikazioak, arrisku larriko edo babesgabeziako egoera bat susmatzeko moduko larritasuna duten gertaerei buruzkoak (HNLren 172.2 art.).
•     Inoren kargura ez dauden adingabe migratzaileak; haur edo nerabearen guraso, tutore edo zaintzaileek egindako, bultzatutako edo baimendutako sexu indarkeriaren adierazle oso espezifikoak dituzten susmoak; jaio aurreko arrisku egoerak, babes espedientea irekitzea beharrezkoa izan daitekeenean, eta jaioberriak borondatez ematen direnean adopzioan (egoera horiek jarduketa protokolo espezifikoa dute). 
•     Fiskaltzaren eta epaitegien idatzizko komunikazioak. 

Arestian aipatutako egoerak UGZn jasotzen direnean, posible bada eta esku-hartzea bizkortze aldera, pertsona edo zerbitzu informatzaileari zuzenean AFAra jotzeko esan ahal izango zaio, egoeraren berri eman dezan.